VII. Itun Berdea Saria ingurumen jarduera egokientzako
- 2021ko Irailaren 16a (-ek argitaratua)
Zer da?
Ingurumen-jardunbide egokientzako sari honen bitartez, ekimenari atxikitako enpresek beren jardueren ingurumen-inpaktua murrizteko eta ingurunearekiko harremanak hobetzeko martxan jarri dituzten jardunbiderik onenen balioa aitortu nahi diogu.
Nork har dezake parte?
Itun Berdearen Komunitateari atxikita egonik (*) 2020-2021 aldian beren prozesu, produktu edo zerbitzuetan ingurumen-inpaktua gutxitzeko neurriren bat ezarri duten enpresek.
(*) Itun Berdearen Komunitateari atxikitzeko prozesuak indarrean jarraitzen du, eta hautagaitzak aurkezteko azken egunera bitartean atxikitzen diren enpresak aurkeztu ahal izango dira sarietara.
Kategoriak eta sarien zenbatekoak
- Mikroenpresen kategoria (1-9 langile): 2.000 €.
- Enpresa txikien kategoria (10-49 langile): 2.000 €.
- Enpresa ertain eta handien kategoria (50 langile edo gehiago): 2.000 €.
Hautagaitzak aurkezteko epea
2021eko maiatzaren 6tik urriaren 1era arte.
Sari banaketa
2021eko azaroaren 18an, Europa Biltzar jauregian, Itun Berdearen Komunitateko Enpresen X. Topaketan.
