Azaroan, koronabirusak geroratutako zergak eta kuotak itzuli beharko dituzte autonomoek
- 2020ko Urriaren 27a (-ek argitaratua)
Azaroan bukatuko da COVID-19 delakoaren ondorioz geroratutako kuotak eta zergak ordaintzeko epea. Ogasunak eta Gizarte Segurantzak hilabete bukaeran kargatuko dituzte gerorapen eta luzamenduengatik ordaindu gabeko zorrak.
Azaroan, pandemiaren ondorioz geroratu zituzten zergak eta kotizazioak ordaindu beharko dituzte autonomoek. Osasun-krisiaren lehen hilabeteetan, birusak kolektiboan duen eragina arintzeko hainbat laguntza jarri zituen martxan exekutiboak. Besteak beste, Ogasunarekiko eta Gizarte Segurantzarekiko betebehar batzuk atzeratzeko aukera, adibidez, lehen hiruhileko fiskaleko autolikidazioak edo maiatzeko, ekaineko eta uztaileko kuotaren ordainketa.
