Ekintzaileentza - Lanbideren laguntzak pertsona ekintzaileentzat
- 2021ko Maiatzaren 05a (-ek argitaratua)
Eusko Jaurlaritza, Lanbide Euskal Enplegu Zerbitzuaren bitartez, ekintzaileei laguntzeko deialdi berri bat jarri du abian, enpresa-proiektu baten garapena osatzen duten etapetako bakoitzerako: Ideiaren sorrera, ideia hori bideragarritasun plan batean mamitzea eta jarduera hastea, proiektua ezartzen eta enpresa finkatzen laguntzen duten ekintzak.
Xedea:
Ekintzailetzaren tokiko proiektuen esparruan, berariaz enpresa-ideiaren bat sortzen, aztertzen eta egituratzen diharduten balizko ekintzaileei 2018an emango zaizkien laguntzak arautzeko oinarriak ezartzea.
Eskatzaileak
Ekintzaileak, negozio-ideia bat izanik, jardueraren edozein arlotan, berau aztertu eta garatu nahi dutenak, berariazko arduraldi erregimenean, erakunde laguntzaileak ikuskaritzapean eta tutoretzapean. Lanbide-EEZk aurretiaz emango du eginkizun horietarako baimena.
Eskabideak Lanbidek baimendutako entitateen (PDF, 128 KB) bidez aurkeztu beharko dira esklusiboki, eta entitate horiek bideratuko dituzte Lanbidera.
Prestazioa
Sustatzaileak: Enpresa-ideia bat garatzeko laguntza gehienez ere 1.000 eurokoa izango da sustatzaile bakoitzeko. Zenbateko hori % 15 areagotuko da 18 urte baino gehiago eta 30 urte baino gutxiago badituzte (eskaera aurkezten duten unean), eta beste % 15 emakumeak badira.
Betebeharrak
- EAEn erroldatuta egotea eta benetan bizitzea.
- Langabezian egotea eta Lanbide-EEZn enplegu-eskatzaile gisa inskribatuta egotea.
- Erakunde laguntzaile baimenduetako baten aholkularitza-prozesuan sartuta egotea.
- Enpresa edo negozio berri bat edozein jarduera-arlotan garatzeko ideia bat izatea.
- Ekonomia-jardueren gaineko zergan eta langile autonomoen araubide berezian lehendik alta eman ez izana.
- Enpresa-ideia aztertzeko eta garatzeko zereginetan arduraldi esklusiboan jardutea.
- Enpresa-ideia sortze eta garatze aldera deialdi honen kudeaketan parte hartzen duten erakunde laguntzaileek definitutako aholkularitza emateko eta laguntzeko jarduera guztietara bertaratzea.
- Xede horretarako beste diru-laguntzarik jaso ez izana.
- Aurreko deialdietan, enpresa-ideia bat garatzeko edo enpresa-jarduera berriak abian jartzeko laguntzen onuradun ez izatea (Lanbide-Euskal Enplegu Zerbitzuak ekintzaileei laguntzeko kudeatu dituen deialdietan jasota dauden laguntzak).
