Bilbok salbuespenezko 50 neurri baino gehiago dituen 15 milioi euroko plana onartu du gizarte-kohesioa, ekonomia eta enpleguaren susperraldia eta kultura sustatzeko
- 2020ko Maiatzaren 20a (-ek argitaratua)
Bilboko Udalak gaur onartu du #BILBAO AURRERA deritzon Gizarte Kohesiorako, Ekonomia eta Enplegua Suspertzeko eta Bilboko Kulturaren aldeko Neurrien Plana, COVID-19ak eragindako egoerari aurre egiteko.
Asmo handiko plan honen aurrekontua 15 milioi eurokoa da, urte honetan bertan abiaraziko diren salbuespenezko 50 neurriren inguruan antolatuta.
Bilboko Udaleko alderdi politiko guztiek sektorerik kaltetuenen adostasunaz sinatu duten agiri honek arreta berezia eman die Hiriko PERTSONEI eta Enpresei, bereziki tokiko merkataritza txikiari, ostalaritzari eta jatetxeei, baita turismoari eta kultur eta sormen industriei ere.
